Kriya yoga meistarar

Babaji Maharaj, hinn mikli avatar.

Avatar þýðir að um mikla andlega veru sé að ræða, sem er með getu umfram takmarkanir mannslíkamans. Babaji leiðbeinir úr fjarlægð og er sjaldan sjáanlegur.  Sögur segja að oft hafi sést til Babaji í Himalaya og að hann sé mörg hundruð ára gamall.
 Babajii

Lahiri Mahasaya (1826-1895)

Árið 1861 var Lahiri Mahasaya staddur í Himalaya og og fékk vígslu leiðsögn í Kriya jóga frá Babaji. Sagan segir að einn dag hafi vinnuveitandi Lahiri Mahasaya ákveðið að senda hann til lítils þorps við rætur Himalaya. Þar hitti hann Babaji meistara sinn  sem sagði honum að vígja alla þá sem í einlægni óskuðu eftir að læra Kriya Yoga. Hann vígði og leiðbeindi þúsundum iðkenda, og af þeirri ástæðu er hann kallaður faðir Kriya Yoga.
 Lahiri

Swami Sri Yukteswar (1855-1936)

Sri Yukteswar fékk leiðsögn hjá Lahiri  Mahasaya og stofnaði síðar hið þekkta Karar Ashram, sem staðsett er í Puri á Indlandi. Sri Yukteswar var mjög virtur jógi sem leiðbeindi og vígði marga iðkendur Kriya yoga.
 Sri Yukteswar

Paramahansa Yogananda (1893-1952)

Yogananda var lærisveinn Sri Yukterswar. Hann er mjög þekktur sem höfundur bókarinnar “Sjálfsævisaga jóga” (Autobiography of a yogi) hann kom til Vesturlanda árið 1920, fyrstur Kriya jóga meistara.
 Yogananda

Paramahamsa Hariharananda (1907-2002)

Hariharananda náði fullri guðsvitund og var mjög virtur nemandi Sri Yukteswar og Paramahansa Yogananda. Hann bjó og rak Kriya jóga miðstöð nálægt Miami í Florida. Hann var lærimeistari Paramahamsa Prajnanananda og Rajarshi Peter van Breukelen.
 Hariharananda

Núlifandi meistarar

Paramahamsa Prajnanananda (f. 1960)

Prajnanananda var vígður til munks af meistara sínum Paramahamsa Hariharanananda og fékk nafnbótina “Swami Prajnanananda Giri”. Síðar fékk hann titilinn Paramahamsa sem er æðsti titill sem munkur getur hlotnast. Hann ferðast út um allan heim til að kenna og veita vígslu í Kriya jóga. Eftir andlát Paramahamsa Hariharananda tók hann við stjórn Kriya jóga miðstöðvarinnar í Miami. Hann er einlægur leitandi sannleikans og kennsla hans snýst aðeins um eitt “kærleika”. Hann hefur gefið út margar bækur.
Prajanananda

Rajarshi van Breukelen (f. 1946)

Peter van Breukelen er einn af elstu nemendum Paramahamsa Hariharananda. Síðan 1984 hefur hann ferðast um Evrópu og breitt út boðskap lærimeistara síns. Peter hefur sett á stofn Kriya jóga miðstöð í Sterksel nálægt Eindhoven í Hollandi, þar sem hann býr með fjölskyldu sinni. Reglulega eru haldin þar námskeið í Kriya jóga fræðum á ensku, hollensku og þýsku.
Tveir lærisveinar Hariharananda komu til Íslands vorið 1996, Þeir Paramahamsa Prajnanananda og Peter van Breukelen   Síðan þá hefur Kriya Yoga verið stundað hér á landi.
 Peterananda

Swami Mangalananda Giri

Mangalananda tók vígslu frá Peter van Breukelen og hitti Hariharananda í fyrsta skipti vorið 1994. Frá þeim tíma dvaldist hún með Hariharananda og ferðaðist með honum um Evrópu. Árið 2000 var hún vígð Swami inn í Giri-munkaregluna. Mangalananda þýðir “bliss of auspiciousness.” Hún er fyrsta konan til að vígjast inn í munkareglu Paramahamsa Hariharananda. Hún kennir Kriya yoga víðs vegar um heiminn.

masterlogo